Num. de referencia
P01670
Egilea
Rubens, Peter Paul
Izenburua
Hiru Graziak
Datazioa
1635 ingurukoa
Teknika
Olioa
Euskarria
Ohola
Neurriak
220,5 cm x 182 cm
Eskola
Flandeskoa
Gaia
Mitologia. Jainkoak
Ikusgai
Bai
Jatorria
Colección Real (Real Alcázar, Madrid, bóvedas de Tiziano, 1700, nº 483; Palacio Real Nuevo, Madrid, primera sala de la Furriera, 1747, nº 96; Palacio Real Nuevo, Madrid, estudio de Andrés de la Calleja, 1772, nº 96; Casa de Rebeque, Madrid, 1794, nº 96; Academia, Madrid, sala reservada, 1827, nº 50).

Hesiodoren Teogonia obran deskribatutako Graziak hiru ziren: Aglaia, distiratsua esan nahi duena, Eufrosine, alaia esan nahi duena, eta Talia, loratzen ari dena. Zeusen maitale baten alabak ziren hiru Graziak. Birjina puruak ziren eta Jainkoekin bizi ziren. Oturuntzetara joateko ohitura zeukaten eta bizipoza igortzen zuten. Maitasunaren jainkosa Afroditaren zerbitzura zeuden, eta ez zekiten aspertzea zer zen.

Rubensek iturri baten alboan irudikatu zituen, lore-girlanda baten azpian, atzean paisaia zutela. Figurek eskultura klasikoa dute inspirazio iturri; hala erakusten du beren larruazalean marmolaren hoztasuna islatzeko asmoak. Erritmo zirkularra eta ondulazio dotorea dira artistaren ohiko ezaugarriak. Alderdi horiei, margolariak azken urteetako lanetan islatutako itxura handiko formak eta kolore beroak gehitu behar zaizkie.

Ezkerraldeko irudiak artistaren bigarren emaztea du inspirazio iturri: Helène Fourment. Ezkondu eta berehala margotu zuen obra honetan, margolanen sentsualtasunean nabari da artistak une hartan bizi zuen poza. Margolariak berak gorde zuen obra, harik eta 1640an hil zen arte. Ondoren, Filipe IV.ak eskuratu zuen, eta Espainiara eraman.

Ministerio de Cultura. Goberno de España; abre en ventana nueva
España es cultura; abre en ventana nueva
Copyright © 2014 Museo Nacional del Prado.
Calle Ruiz de Alarcón 23
Madrid 28014
Tel. +34 91 330 2800.
Todos los derechos reservados