Taldeak

Museora aldez aurretik definitu eta antolatutako 8-30 laguneko bisitari-talde batean eta gidari edo irakasle batekin doazen bisitariena joko da taldekako bisitatzat.

Taldekako bisitaren baldintzak

Pradoko Museo Nazionalak taldekako bisitak arautzeko eta antolatzeko sistema bat ezarri du, Museoaren baliabideak hobeto aprobetxatzeko eta bisitari-fluxuak optimizatzeko, balizko gehiegizko jende-kopuru baten ondoriozko eragina minimizatuta, alde batetik Bildumaren gozamena, behaketa eta azterketa bermatzeko, eta bestetik, berriz, lanen zaintza eta kontserbazioa.

Hiru talde mota daude:

  • Ikasle taldeak
  • Kultur taldeak
  • Turista taldeak

Taldeen bisitaldiek ondorengo eskakizun hauek bete behar dituzte:

  • Gehienez ere 30 lagunekoa izango da taldea, gidaria edo irakaslea barne hartuta
  • Kasu guztietan, beharrezkoa da bisita ordua eta eguna hartzea, Museoaren web orriko erreserba eta salmenta-sarrera sistemaren bidez (www.entradasprado.com); bisita baino 24 ordu lehenago egin beharko da, eta bisita 09:00etatik 10:00etara bada, 48 ordu lehenago
  • Taldeak bisita baino lehenago helduko dira Museora (bistarako aurreikusitako ordua baino 15 minutu lehenago gutxienez), bisita aurreko izapideak egiteko
  • Bisita gidatuaren iraupena ordu eta erdira mugatuta egongo da. Taldearen arduradunak taldearen itsasgarria eramango du ikusteko moduko leku batean, eta bertan, bisitarako zehaztutako ordua ezarriko da. Denbora hori amaitzen denean, taldea desegin egingo da, eta bakarka jarraitu ahal izango dute bisita
  • Eskatuz gero, Hezteko artea egitarauko taldeek bisita autonomo bat egin ahal izango dute, irakasleak lagunduta; bisita hori bisita dinamizatu edo komentatua baino lehenago edo horren ondoren izango da eta, horretarako, taldearen itsasgarria eskatu beharko diote sarrerako bisitariaren arretarako laguntzaileari, bisitaren gehieneko iraupena adieraziko duena
  • Aretoetako zarata murrizteko, nahitaezkoa da taldeak gidatzeko sistema (mikrofonoa eta entzungailuak) erabiltzea, mikrofonoari eta haririk gabeko entzungailuei esker taldeko kideei gidariaren azalpenak argi entzuteko aukera ematen diena, 18 urtetik beherako ikasleen eta goizeko bederatzietako bisitetan izan ezik. Museoak horiek alokatzeko zerbitzua eskaintzen die euren gailu propioak ez dituzten taldeei
  • Taldeak euren gidari edo irakaslearekin joango dira Museora, ‘Hezteko artea’ egitarauko bisitetan salbu, horietan Museoko hezitzaile batekin joango baitira
  • Behi-behineko erakusketetarako taldekako bisiten baldintzak erakusketa bakoitzaren ezaugarrien arabera ezarriko dira, jende kopurua dela eta taldekideen kopurua eta egunak eta orduak mugatuta
  • Museora arinago sartzeko, motxilak eta trasteak autobusean uzteko eskatzen diegu taldekideei. Motxilak, berokiak, aterkiak eta abar Museoko kontsignan horretarako ezarritako gurditxoetan uzteko aukera ere badute bestela
  • Taldekako bisitetarako kupoari eta ordutegiari dagokienez, aldaketak eman daitezke tarteka, Museoko bisitari-kopuru handiko momentuetan

Ikasle taldeak

  • Ikastetxeetako (Lehen Hezkuntza, Bigarren Hezkuntza, Batxilergoa, LH) edo unibertsitateko ikasle-taldeak doan sartuko dira Museoan
  • Ikasle taldeen Museoko bisita librea edo Museoaren laguntza pedagogikoa duena izan daiteke:
    El arte de educar. Logotipo
  • Hamalau urtetik beherako bisitariek ezingo dute bisita bakarka egin, heldu batekin joango dira beti

Sarrera

’Hezteko artea’ hezkuntza programako bisita dinamizatu eta komentatuetarako sarrera Jonica Sur Galeriatik egingo da.

’Hezteko artea’ hezkuntza programako bista-tailerretarako sarrera Murillo plazatik egingo da.

Ikasle-talde libreak Jeronimoen Atetik sartuko dira (aurrez Goya plazako 1 eta 2 leihatiletatik pasata) edo Murillo Atetik, astelehenetik ostiralera, 10:00etatik 14:00etara.

Taldekako bisitetarako sarrera eta xehetasunak erreserba egiaztatzeko mezu elektronikoan ageriko dira.

Oso garrantzitsua: Taldeen bisitak ez dira gidatuak, ’Hezteko artea’ hezkuntza programako jardueretakoak izan ezik. Taldeak euren gidari edo irakaslearekin joango dira Museora.

Haur Hezkuntzako, Lehen Hezkuntzako, Bigaren Hezkuntzako eta Batxilergoko ikasleak taldearen arduradun den tutore edo irakaslearekin egongo dira une oro.

Unibertsitateko ikasleen taldeek nahitaez erabiliko dute taldeak gidatzeko sistema (irrati-gidari transmisorea)

Kultur taldeak

  • Kultur kolektiboetako kidez osatutako kultur taldeek, elkarte, erakunde, fundazio eta Arte Ederrekin lotutako gradu ondoko ikastetxeetakoek, sarreraren prezioaren %50eko deskontua edukiko dute, aurrez Bisitariaren Arretarako Zentroan egiaztapena eginda
  • Sarrerak bisita-egunean bertan ordainduko dira, Museoko leihatilan

Sarrera

Kultur taldeak Jeronimoen Atetik sartuko dira (aurrez Goya plazako 1 eta 2 leihatiletatik pasata).

aldekako bisitetarako sarrera eta xehetasunak erreserba egiaztatzeko mezu elektronikoan ageriko dira.

Oso garrantzitsua: Taldeen bisitak ez dira gidatuak. Taldeak euren gidari edo irakaslearekin joango dira Museora. Nahitaezkoa da taldeak gidatzeko sistema erabiltzea (irrati-gidari transmisorea)

Turista taldeak

  • Turista taldeetako kide bakoitzarentzako sarreraren prezioa 14 €-koa izango da. Talde horretako pertsonek ez dute doakotasun edo murrizketa aukerarik edukiko, bakarka joanez gero
  • Sarrerak aldez aurretik ordainduko dira, bisitariaren zerbitzura jarritako sistema telematikoen bidez

Sarrera

Jeronimoen Atea (aurrez 1 eta 2 leihatiletatik pasata).

Oso garrantzitsua: Taldeen bisitak ez dira gidatuak. Taldeak euren gidari edo irakaslearekin joango dira Museora. Nahitaezkoa da taldeak gidatzeko sistema erabiltzea (irrati-gidari transmisorea)

Taldeak gidatzeko sistema

Ikasle taldeen bisitetan izan ezik, taldekako bisitetan, nahitaezkoa da taldeak gidatzeko sistema erabiltzea, mikrofono batez eta haririk gabeko entzungailuez osatutakoa, gidariaren azalpenak argi eta garbi entzuteko aukera ematen duena.

Museoak halakoak alokatzeko zerbitzua dauka, euren gailu propioak ez dituzten taldeentzat: 1 € pertsona bakoitzeko.

Zerbitzuaren beharrak direla-eta, aldatu egin daitezke taldeentzako sarrerak

Infografía animada con información sobre el acceso al Museo y la ubicación de sus colecciones

* Para visualizar correctamente la infografía necesita tener instalada la última versión de Flash Player

 
Ministerio de Cultura. Gobierno de España; abre en ventana nueva
España es cultura Spain is culture
Portal de la transparencia. Gobierno de España
Copyright © 2015 Museo Nacional del Prado.
Calle Ruiz de Alarcón 23
Madrid 28014
Tel. +34 91 330 2800.
Todos los derechos reservados