Num. de referencia
P00749
Autor
Goya y Lucientes, Francisco de
Titulo
O 3 de maio en Madrid, ou "Os fusilamentos"
Cronología
1814
Técnica
Óleo
Soporte
Lenzo
Medidas
268 cm x 347 cm
Escola
Española
Tema
Historia
Exposto
Si
Procedencia
Palacio Real, Madrid, 1814; ingresou no Museo del Prado, procedente da colección real có seu compañeiro, antes de 1834, rexistrándose nese ano no "Depósito Grande"; en 1840 visto por Théophile Gautier nas salas do Museo, descrito polo mesmo autor en 1843; en 1850, visto polo conde Clément de Ris; en 1867, figura ilustrado na monografía de Goya de Charles Yriarte; finalmente incorpórase ó catálogo do Prado de 1872

Representación dos fusilamentos de patriotas de Madrid polo exército de Napoleón, como represalia ao levantamento do 2 de maio de 1808 contra a ocupación francesa.

Os soldados franceses, de costas á dereita da composición, apuntan os madrileños que han de morrer. O dramatismo e a tensión da escena quedan subliñados polo uso da luz, que ilumina fortemente os heroes permitindo diferenciar os seus caracteres e actitudes nun detallado estudo psicolóxico dos personaxes.

Esta obra foi realizada xunto á súa parella, O 2 de maio de 1808 en Madrid: A loita cos mamelucos (P00748), a iniciativa do rexente don Luís en 1814. Ambas puideron servir para decorar un arco de triunfo durante a entrada de Fernando VII no seu retorno a Madrid ou como conmemoración nas celebracións do 2 de maio.

No lateral inferior esquerdo obsérvanse as marcas dos danos que sufriu o lenzo durante o seu traslado a Valencia en 1937, durante a Guerra Civil española.

Ministerio de Cultura. Gobierno de España; abre en ventana nueva
España es cultura Spain is culture
Portal de la transparencia. Gobierno de España
Copyright © 2015 Museo Nacional del Prado.
Calle Ruiz de Alarcón 23
Madrid 28014
Tel. +34 91 330 2800.
Todos los derechos reservados