De medio corpo, lixeiramente escorzado, Durero pintouse a si mesmo xunto a unha ventá aberta a un fondo de paisaxe montañosa. Viste de xibón branco con gornicións negras e camisa con puntilla dourada, pelo longo, gorra de listas brancas e negras con borla, capa parda e guantes grises de pelica. A elección dunhas roupas elegantes e aristocráticas e a mirada severa dirixida ao espectador, con altiva serenidade, indican a vontade do pintor de facer ostentación da súa situación social.

Salienta a riqueza de detalles, a minuciosidade do tratamento das calidades e o brillante colorido, de entoación dourada, todo isto apoiado nun debuxo de impecable precisión

A satisfacción da súa propia capacidade artística compróbase na inscrición da soleira da ventá, escrita en alemán: “1498, pinteino segundo a miña figura. Tiña eu vinteseis anos Albrecht Dürer”.

Adquirido para Felipe IV na almoeda de Carlos I de Inglaterra.

Escuchar audioguía
Análisis de la obra. A fondo

Ver en Google Earth