Retrato de personaxe descoñecido, vestido con traxe negro de colo e puños de encaixe e lucindo colgante e espada, detalle que salienta a súa condición de cabaleiro. Unha das obras mestras do Renacemento español e unha das máis divulgadas da produción de El Greco.

Pintada nos primeiros anos do artista en Toledo, O cabaleiro da man no peito distínguese pola expresividade da mirada que o personaxe mantén fixa no espectador e o naturalismo no xesto da man.

Existen moi diversas interpretacións entorno á identidade do personaxe e ao significado do xesto, afirmando algúns que simboliza diferentes estados, como arrepentimento ou un xuramento. Aínda que existan dúbidas razoables, chegouse a identificar ao cabaleiro con Juan de Silva y Ribera, III marqués de Montemayor, alcalde do Alcázar de Toledo.

Esta obra procede da Quinta del duque del Arco no Pardo (Madrid).